وجاتنى عنيها تسألنى

وجاتنى عنيها تسألنى
"ضايعلك قلب جوايا "
فبصيت للعيون عايز
أشوف للمبتدى نهايه
وكل آخر كان أوّل
وكل أوّل بيطوّل
وكل نهايه روحتلها
لقيتها بعدها بدايه
ضايعلى قلب جواكى
وانا بإديا ضيعته
وأنادى عليه وبينادى
ولا سمعنى ولا سمعته
بمحض إرادتى انا بعته
ومش عايز تمن غيرك
وعايزك تفضلى معايا
ضايعلى قلب وناديتك
وصوتك عُمره مجاوبنى
وكل ما أبص فـ عيونك
عيونك تمشى وتسيبنى
وانازع نفسى عن حبك
وحبك برده يغلبنى
وعمرى ما قولتله كفايه