شكرا = ان انا زعلان
وإنك غلطان ..
لازم تستنى ونتعاتب
انما لو حابب يومها تقول !
عفوا = اتحرق بجاز . .
ونكمل شغل الألغاز
ونصهين على وجع الاحساس
راح ترجع تسأل يوم مالك
وهقول انا عادى عشان
تسكت ..
وترد خلاص!

كإن الوقت مش راضى
غير انه يعدى عـ الفاضى
ولو جربت أقول عادى
يبان برضه ان انا زعلان

مفيش حاجه إسمها عادى !
فيه حاجه إسمها موجوع
ومش عايز أقول مالى !

نفسى إعرابى فـ قلبك .. يبقى إنى مُضاف اليه !

فيه حاجات كتيره ان متقالتش فـ وقتها .. لو تيجى تسأل بعدها مبتتحكيش
فـ طبيعى جدا وقتها تسألنى.. مالك فيكى ايه وأقول مفيش

 

عارف سعات بحتاج افضفضلك
اوى وانت سعات أكتر متسمعنيش
فطبيعى جدا بعدها تسألنى مالك
فيكى إيه فأقول مفيش ..
فيه حجات كتيره إن متقالتش
فـ وقتها لو تيجى تسأل بعدها
مبتتحكيش ..
مشغول بإيه وانت اللى قولت إنى
الحياه بالنسبه ليك
... وحقيقى مش قادره أفهمك
أو أحس بيك
فاكر زمان فيه كلام كتير
قولناه فـ نفس الوقت
و فـ قربى ليك قد البعاد إشتقت
وأستنى يجمع بينا أى معاد
ليه إهتمامك بيّا قل وبالسكوت
مين إستفاد ؟!
ليه المعامله اتغيرت فجأه لأسوء
وإن جيت تقولى بعشقك
مقدرش أصدق
أصل المحبه مش غنا ولا كلمتين
يعنى !
أنا محتاجه أفضفضلك فمن فضلك
ياريت تهتم تسمعنى
عشان فيه الف ميت حاجه
بسببك غاويه توجعنى