وبقوم مـ النوم اللى منمتوش ..

وبقوم مـ النوم اللى منمتوش ..
وبدور على صوتها فـ إوضتى
وريحتها اللى فـ كل هدومى ..
وعيونها المرميه فـ حضنى !
تنهيدها وإيدها اللى فـ إيدى
والشعر المخلوق من ضلمه
والضحكه اللى بتقتل همى
وضلوعى المشتاقه لضمه !
والقلب المكسور فـ غيابها
والشوق النايم على بابها
والحزن الدايم بسببها !
أو حتى لسبب انا معرفهوش
كل اللى انا عارفه ان انا بالليل
توحشنى وأفكر فيها أوى
فبقوم مـ النوم اللى منمتوش !