هو انتى ليه مبتزعليش زى البنات

هو انتى ليه مبتزعليش زى البنات
او تعملى مـ الحبه قبه وتخنقينى
ولا جيتى مره زعلتى على اتفه حجات
دايما كده من غير مناقشه بتعشقينى
نفسى مره مـ الزعل تتجننى
او حتى مره تعيطى ..
فآخدك فـ حضنى عشان اوام تطمنى
او حتى تبقى خبيثه موت وتخططى
يا طيبه يا احن من ورد الجناين
عـ الايدين
انا نفسى مره تزعلى ده الفرح يخنق
لو دخل باب الروتين
عادى لو نزعل لمره
مادام هنفرح مرتين
زعقيلى وغيرى جدا وإمشى
لما اندهك ومترجعيش
هو انتى ليه مش زيهم
اقصد عشان مبتوجعيش
ولا حتى هونت عليكى انام
زعلان ..
دايما برئيه وطيبه
دايما مسامحه فـ اللى فات
مش زى غيرك مـ البنات !