ورغم البعاد اللى دايما يزيد ..

ورغم البعاد اللى دايما يزيد ..
مكونتيش بعيده ومكونتش بعيد
ورغم الفواصل ..
بجيلك وواصل
وعشقى ده واقع
وفـ عنيكى حاصل
وحاصل فراقنا فـ ضرب الليالى
فـ حسبة سهر !
يساوى غلاوتك فـ قولة تعالى
تعبنى السّفر !
تردى تقولى .. ياريته بإيدى
أجيلك وأعيش تانى فيك
من جديد ..
أقول متخافيش
مسير اللى غايب حبيبتى يعود
مسيرنا نحقق جميع الوعود
مسيرى أعيش جوا روحك
نَفس ..
مسيرك تعيشى دما
فـ الوريد
ده رغم البعاد اللى دايما يزيد
مكونتيش بعيده ومكونتش بعيد